Նյութ, որի որակը վերահսկում ենք հենց սկզբից
Մեծածավալ և բարդ նախագծերում կարևոր է ոչ միայն քարի տեսքը, այլև տարբեր խմբաքանակների որակի և տեսքի համադրելիությունը։ Սեփական քարհանքն ու արտադրամասը մեզ հնարավորություն են տալիս վերահսկել ամբողջ գործընթացը՝ արդյունահանումից և քարի ընտրությունից մինչև մշակում ու պատրաստի արտադրանք։
Մեր քարհանքը
Սեփական՝ 5 հեկտար տարածքով քարհանքը մեզ հնարավորություն է տալիս վերահսկել հումքի ընտրությունն ու ապահովել կայուն մատակարարում նաև մեծածավալ նախագծերի համար։ Տարեկան արդյունահանման հզորությունը հասնում է 30,000 մ³-ի, իսկ շահագործման լիցենզիան գործում է մինչև 2056 թվականը։
Մեր արտադրամասը
Արտադրամասը հագեցած է ժամանակակից սարքավորումներով, ինչը թույլ է տալիս իրականացնել քարի ցանկացած բարդության մշակում։ Մենք ապահովում ենք բարձր ճշգրտություն և որակ յուրաքանչյուր դետալում։
Ինչպես ենք աշխատում
01 — Արդյունահանում
Տրավերտինի բլոկներն արդյունահանում ենք սեփական քարհանքից՝ ընտրելով նախագծի պահանջներին համապատասխան քարը։
02 — Բլոկների նախապատրաստում
Բլոկները նախապատրաստում ենք հետագա մշակման և արտադրամաս տեղափոխման համար։
03 — Կտրում
Արտադրամասում բլոկները կտրում ենք նախագծին համապատասխան չափերով և հաստությամբ։
04 — Մշակում և հարդարում
Կիրառում ենք համապատասխան մշակման և հարդարման տարբերակը՝ ըստ նախագծի պահանջների։
05 — Անհատական պատրաստում
Պատրաստում ենք ոչ ստանդարտ ճարտարապետական և դեկորատիվ տարրեր՝ ըստ գծագրերի և տեխնիկական առաջադրանքի։
06 — Որակի վերահսկում
Պատրաստի արտադրանքը ստուգում ենք մինչև փաթեթավորումն ու առաքումը։
07 — Փաթեթավորում և առաքում
Ապահովում ենք պատրաստի արտադրանքի փաթեթավորումն ու տեղափոխումը՝ ներառյալ արտահանման նախագծերը։
Արտադրական հզորություն
Տարեկան արտադրության ծավալը գերազանցում է 100,000 մ²-ը՝ հնարավորություն տալով աշխատել նաև մեծածավալ և համալիր նախագծերի հետ։
Արտահանում և միջազգային ներկայություն
VEKS-ի արտադրանքն արտահանվում է Ռուսաստան, ԱՄՆ, եվրոպական երկրներ և ԱՄԷ։ Ընկերությունը մասնակցում է նաև ոլորտի միջազգային ցուցահանդեսների՝ ընդլայնելով գործընկերային և արտահանման հնարավորությունները։